Zo Sunni - Zolai gelhzia (Linguistics & Litterature)

Dal Sian Hung 

Zo Sunni - Zolai gelhzia (Linguistics & Litterature)

Zo History cih tangthu bu Dr. Vumson Suantak, Ph.D (Germany) in hong bawlkhia hi. Tua laibu adingin kum tampi research bawl hi. Nakpitak in mitkeuhna hong guan hi.

2014 Zomi Nam Ni inzong Prof. C. Thang Za Tuan, Ph.D (Deputy Director General, Ministry of Education, Union of Myanmar) in Yangon khuapi sunga Zomi biakinn lianpen ahi Tedim Baptist Church (TBC) ah Zomi vai hilhcianna kiciantak in nei hi.

Chin State ah Zomi kici minam pen Tedim le Tonzang gamsung a omteng in ih tangtawng pekpan a ipuak i minam min hi. Tua banah Chin State bupah atengkhawm ih sanggamte tawh huamkhawm a ilawhna zong Zomi mah hi, ci-in kitel takin gen hi.

Pawlkhat te in, Lai ih gelh ciangin, Zomi gam, Zomi Lai, Zomi an cih bangin kigelh thei mawkmawk a, tua ding hilo in, Linguistics view tawh zong etkik kul zel hi. Gentehna leh hilhcianna anuai ah tawmno khat kikum suk dih ni maw!

1) Zomi
2) Zogam
3) Zotui
4) Zo Sunni
5) Zo-an (Hih munah vowel sound nih kizom ahih manin, hyphen zatkul hi)
6) Zo Sai
7) Zo-Ansai
8) Zolia
9) Zotang
10) Zo Limtui
11) Zo Lengthe
12) Zo Phualva
13) Zomi Siamsin
14) Zomi Khangthak
15) Zomi Ngalliam
16) Zomi Tangthu
17) Zo-ak
18) Zovok
19) Zosuan
20) Zosiam

Khangthak ten lai ih gelh ciangin, Linguistics view tawh etkak in lai ih gelh toh theih ding lunggulhna tawh hong hawm sawn hi ing. Lungkim vet keng aci na om uhleh hong kuppih suk un.

Dal Sian Hung
Kuala Lumpur, Malaysia.