Pakohku ah 2008 Thukhunpi Siahsuahna ding vai

Pakohku ah 2008 Thukhunpi Siahsuahna ding vai NLD makai Daw Aung San Su Kyi @ Nu Cing thugenna ah mipi Lakh 2 val in thugen ngai in va uap uh cih kiza hi. Magwe Division le Mandalay Division sungah nai huai tek pan mipi tampi ki sutuah dan uhi.

Pakohku cih pen Sanggam Zosuan pih Mindat Knapalet lamte mi tampi te tengna, kituahna hi. Zogam Nisuahna lam ahi Chin State lei taw lamte ading a Kawlpi uh kici thei hi. Zomi te tangthu ah Pu Khup Pu khua kicih na pan Pakohku asuak hi cih kiciam teh hi. Mipi hizah tak ki uap cih pen Zosuan sisan so na vingving ding hi cih ki nial thei lo pah hi. Southern Chin State lamte in zong delh suk ngel ding uhi cih ki mu thei pah hi.

Kawlgam suahtakna lak na dingin Zosuan te tawh kikawmna abaih zawkna pen Pakohku lam pan na hi vetse hi. Kawl le Zo kici thei Chin-Burma Assembly pi Pakohku gam Hti Len ah kibawl hi. Tangthu ah tua bek mah minam vai in suahtakna lak khop ding khawmpi Kawlte tawh ki nei khawm hi. Ci bekbek mual vum in vum in Kawlte in hong puak in ki nuam lua mahmah, ki phu ziahziah in, ki luak ziahziah ki ciah pih ziahziah nuam mahmah uhi cih Kawlte ciaptehna ah om hi.

Sangnaupang makai Doh Bama Asi Ayung pan Secretary Takhin Aung San in zong Hti Lin ah British Colonial khut nuai hakkol puakna sila minam pan suak ta in, Kawlgam ah Kawlte tawh suahtakna lak khop ding thu Zosuan te nuntakna nenniamna tawh a gentehna ah mi tampi in na uap uhi. Zomi te le Kawl lak ah suahtakna ding agenna ah Zomi zong a tha ngah na ding aki hel ding thu asung pen British kumpi in zadah ahimanin Takhin Aung San mat ding warrant thoh hi. Takhin Aung Sana bukna agente om in aki mat zawh leh Pek 5 pia ding ci hi.

Zomi te sungah suahtakna thu agenna hangin Pek 5 man tawh kimat ding pen thuak lo in, atai na pan Sen gam tai suak Japan tungin , tua pan hong ciah kik uh teh General AungSan makaihna tawh suahtakna ki ngah hi gige hi. Tuni in zong a tanu liapal neih sun Daw San Su Kyi in pa khekhap zui in Pakohku lam tungto leuleu hi. Thu hoih la hoih in nung zuih ding cih ahoih lam pan tangthu siksan in sang siam ding hi pah hi. Z le C tawh buai ding hilo hi.